អង្គរ ជេនេរ៉ល អុិនសួរេន ចាប់ដៃគូជាមួយ Lynk & Co Cambodia ដើម្បីជំរុញការអភិវឌ្ឍចល័តភាពឆ្លាតវៃ

ក្នុងជំហានដ៏សំខាន់មួយសម្រាប់វិស័យយានយន្ត និងធានារ៉ាប់រងនៅកម្ពុជា ក្រុមហ៊ុន អង្គរ ជេនេរ៉ល អុិនសួរេន ម.ក ដែលជាក្រុមហ៊ុនធានារ៉ាប់រងទូទៅរបស់ជនជាតិខ្មែរ និង Lynk & Co Cambodia ដែលជាម៉ាកសញ្ញាយានយន្តបច្ចេកវិទ្យាសកល បានចុះហត្ថលេខាជាផ្លូវការលើអនុស្សរណៈនៃការយោគយល់ (MOU) ក្រោមប្រធានបទ «Driving to the Future with Trust»។

កិច្ចសហការយុទ្ធសាស្ត្រនេះ មានគោលបំណងផ្តល់ជូននូវដំណោះស្រាយធានារ៉ាប់រងស្តង់ដារអន្តរជាតិ សមស្របតាមតម្រូវការរបស់អ្នកបើកបរយានយន្តថាមពលថ្មី (New Energy Vehicles – EVs) និងចល័តភាពឆ្លាតវៃ (Smart Mobility) ឆ្លើយតបទៅនឹងការអភិវឌ្ឍយ៉ាងរហ័សនៃទីផ្សារយានយន្តទំនើបនៅកម្ពុជា។

លោក Hu Tong នាយកប្រតិបត្តិ (CEO) នៃ Lynk & Co Cambodia បានមានប្រសាសន៍ថា៖

«នៅពេលដែលយើងនាំយកយានយន្តទំនើបទាំងនេះមកកាន់ដងវិថីនៃប្រទេសកម្ពុជាយានយន្តទាំងនោះត្រូវការការការពារដែលមានកម្រិតទំនើបសមស្របគ្នា។ យើងជឿជាក់យ៉ាងមុតមាំថា អង្គរ ជេនេរ៉ល អុិនសួរេន គឺជាជម្រើសដ៏ទំនុកចិត្តបំផុតសម្រាប់ការធានារ៉ាប់រងយានយន្ត Lynk & Co នៅកម្ពុជា»។  

លោកស្រី Zhao Yang នាយកប្រតិបត្តិការ នៃ អង្គរ ជេនេរ៉ល អុិនសួរេន បានបញ្ជាក់ថា៖

«នៅក្នុងវប្បធម៌នៃស្ថាប័នយើងទាំងពីរ ទំនុកចិត្តគឺជាគ្រឹះដ៏សំខាន់បំផុត។ ថ្ងៃនេះ យើងមិនត្រឹមតែពិភាក្សាអំពីអាជីវកម្មប៉ុណ្ណោះទេ ប៉ុន្តែយើងកំពុងកំណត់ស្តង់ដារថ្មីសម្រាប់អនាគតនៃការធ្វើដំណើរ—ដែលជាចល័តភាពឆ្លាតវៃ សុវត្ថិភាព និងមានអត្តសញ្ញាណជាខ្មែរ»។  

អត្ថប្រយោជន៍ធានារ៉ាប់រងពិសេស សម្រាប់អ្នកបើកបរ Lynk & Co

ដើម្បីឆ្លុះបញ្ចាំងពីការសន្យា « Real Protection, Real Service, and Real Peace of Mind » (ធានាពិត សេវាកម្មពិត និងសន្តិភាពផ្លូវចិត្តពិតប្រាកដ) អតិថិជន Lynk & Co នឹងទទួលបានកញ្ចប់អត្ថប្រយោជន៍ និងសេវាកម្មទាមទារសំណងដ៏ពិសេស រួមមាន៖

• ការការពារ ១០០% ដោយមិនមានកម្រិតមិនធ្វើសំណង (Zero Deductible)

• គោលការណ៍មិនទាមទារប្រាក់កម្រៃសេវាក្រៅប្រព័ន្ធ (Zero-Tip Policy) ទូទាំងដំណើរប្រតិបត្តិការទាំងមូល

• សេវាដោះស្រាយសំណង ២៤/៧ (៣៦៥ ថ្ងៃក្នុងមួយឆ្នាំ)

• សេវាជួសជុល តោនបាញ់ថ្នាំរហ័ស សម្រាប់ ២ ផ្នែក និងអាចទទួលរថយន្តយកទៅប្រើប្រាស់វិញក្នុងរយៈពេល ២ ថ្ងៃ

• ត្រួតពិនិត្យរថយន្ត ១០ ចំណុចដោយឥតគិតថ្លៃ នៅមជ្ឍមណ្ឌលយានយន្ត អង្គរ អូតូឃែរ

• ជួសជុលដោយផ្ទាល់នៅមជ្ឍមណ្ឌលយានយន្ត អង្គរ អូតូឃែរដោយមិនតម្រូវឱ្យបង់ប្រាក់ជាមុន

• សេវាជំនួយបន្ទាន់តាមដងផ្លូវដោយឥតគិតថ្លៃ ក្នុងរាជធានីភ្នំពេញ (រួមមានសេវាជួយទិញប្រេង កូវអាគុយ និងប្តូរសំបកកង់)

គាំទ្រអនាគតនៃចល័តភាពឆ្លាតវៃ និងប្រកបដោយចីរភាពនៅកម្ពុជា

ភាពជាដៃគូរវាង អង្គរ ជេនេរ៉ល អុិនសួរេន និង Lynk & Co Cambodia ឆ្លុះបញ្ចាំងយ៉ាងច្បាស់ពីចក្ខុវិស័យរួម ក្នុងការធ្វើឱ្យបទពិសោធន៍នៃការធ្វើដំណើរទំនើបនៅកម្ពុជា កាន់តែមានសុវត្ថិភាព ភាពងាយស្រួល និងទទួលបានការការពារកម្រិតខ្ពស់បំផុត។

ស្របពេលដែលតម្រូវការទីផ្សារសម្រាប់ យានយន្តអគ្គិសនី (EVs) និងយានយន្តឆ្លាតវៃនៅកម្ពុជាកំពុងមានការកើនឡើងយ៉ាងឆាប់រហ័ស យើងប្តេជ្ញាចិត្តយ៉ាងមុតមាំក្នុងការបន្តអភិវឌ្ឍដំណោះស្រាយធានារ៉ាប់រងច្នៃប្រឌិតថ្មីៗ ដែលឆ្លើយតបចំតម្រូវការរបស់អតិថិជន និងចូលរួមចំណែកយ៉ាងសកម្មក្នុងការជួយជ្រោមជ្រែងវិស័យយានយន្ត និងធានារ៉ាប់រងនៅកម្ពុជាឱ្យកាន់តែរីកចម្រើន។

តាមរយៈកិច្ចសហការយុទ្ធសាស្ត្រ ជំនាញវិជ្ជាជីវៈច្បាស់លាស់ និងសេវាកម្មដែលយកអតិថិជនជាស្នូល យើងនឹងបន្តកសាងគ្រឹះយ៉ាងរឹងមាំសម្រាប់អនាគតនៃ ការធានារ៉ាប់រងយានយន្តនៅកម្ពុជា ប្រកបដោយភាពជឿជាក់ និងចីរភាព។

ព័ត៌មានទំនាក់ទំនង៖  

ទីស្នាក់ការកណ្តាល៖ Street 169, Sangkat Veal Vong, Khan 7 Makara, Phnom Penh, Cambodia  

ខ្សែទូរស័ព្ទដោះស្រាយសំណង ២៤/៧៖ 1800 20 24 24 (ហៅចូលដោយឥតគិតថ្លៃពីគ្រប់ប្រព័ន្ធ)      
ព័ត៌មានទូទៅ៖ +855 78 24 24 24 / +855 87 24 24 24  

ភ្ជាប់ទំនាក់ទំនងជាមួយយើង 

• Facebook: Angkor General Insurance  

• Telegram: t.me/angkorgeneral  

• LinkedIn: Angkor General Insurance