ការការពារទូលំទូលាយ 24/7 ទូទាំងពិភពលោក
ប្រសិនបើបុគ្គលិករបស់អ្នករងរបួសធ្ងន់ធ្ងរ ឬបាត់បង់ជីវិតក្នុងពេលបំពេញការងារ អាជីវកម្មអាចប្រឈមនឹង ការទាមទារសំណងផ្នែកច្បាប់ និងហិរញ្ញវត្ថុយ៉ាងច្រើន។
ធានារ៉ាប់រង
គ្រោះថ្នាក់បុគ្គល (ជាក្រុម)
ហេតុអ្វីបានជាអ្នកត្រូវការ
ធានារ៉ាប់រងគ្រោះថ្នាក់បុគ្គលជាក្រុម?
អត្ថប្រយោជន៍បន្ថែមសម្រាប់បុគ្គលិក
អត្ថប្រយោជន៍ល្អ ជួយឱ្យបុគ្គលិកមានអារម្មណ៍ថាត្រូវបានយកចិត្តទុកដាក់។ ការធានារ៉ាប់រងគ្រោះថ្នាក់ផ្ទាល់ខ្លួនជាក្រុម អាចជួយបង្កើនទំនុកចិត្តរបស់បុគ្គលិក និងធ្វើឱ្យក្រុមហ៊ុនកាន់តែមានភាពទាក់ទាញសម្រាប់បុគ្គលិកដែលមានសមត្ថភាព។
កាត់បន្ថយបន្ទុក និងការខាតបង់
នៅពេលបុគ្គលិកសំខាន់ម្នាក់រងគ្រោះថ្នាក់ និងមិនអាចបំពេញការងារបាន ក្រុមហ៊ុនអាចត្រូវចំណាយបន្ថែម ដូចជា ការជួលបុគ្គលិកជំនួស និងការពន្យារពេលការងារ ឬគម្រោង។ ការមានការធានារ៉ាប់រងជាក្រុម ជួយកាត់បន្ថយបន្ទុកហិរញ្ញវត្ថុ និងផ្តល់ភាពកក់ក្តៅដល់ទាំងនិយោជក និងបុគ្គលិក។
ស្វែងយល់អំពី ការធានា និងអត្ថប្រយោជន៍ របស់អ្នក
វិសាលភាពនៃការធានាមូលដ្ឋាន
| អត្ថប្រយោជន៍ | ការគ្របដណ្តប់ | ចំនួនទឹកប្រាក់ធានា | កម្រិតមិនធ្វើសំណង |
|---|---|---|---|
| ការបាត់បង់ជីវិតដោយឧបទ្ទវហេតុ | ទូទាត់សាច់ប្រាក់ ១០០% ជូនអ្នកទទួលផលដែលបានចាត់តាំង ប្រសិនបើគ្រោះថ្នាក់បណ្តាលឱ្យបាត់បង់ជីវិតដោយផ្ទាល់ក្នុងរយៈពេល ៣៦៥ ថ្ងៃ | ១០០% នៃចំនួនទឹកប្រាក់ធានាដើម | គ្មានកម្រិតមិនធ្វើសំណង |
| ពិការភាពជាអចិន្ត្រៃយ៍ដោយឧបទ្ទវហេតុ | ទូទាត់សំណងតាមមាត្រដ្ឋាន (រហូតដល់ ១០០%) សម្រាប់ពិការភាពទាំងស្រុង ឬមួយផ្នែកជាអចិន្ត្រៃយ៍ ដែលមានរយៈពេលចាប់ពី ១២ ខែជាប់ៗគ្នាឡើងទៅ | តាមភាគរយនៃតារាងមាត្រដ្ឋានពិការភាព (រហូតដល់ ១០០% នៃចំនួនទឹកប្រាក់ធានា) | គ្មានកម្រិតមិនធ្វើសំណង |
អត្ថប្រយោជន៍បន្ថែម (ជាជម្រើស)
| អត្ថប្រយោជន៍ | ការគ្របដណ្តប់ | ចំនួនទឹកប្រាក់ធានា / ដែនកំណត់ | កម្រិតមិនធ្វើសំណង |
|---|---|---|---|
| ការចំណាយផ្នែកវេជ្ជសាស្ត្របណ្តាលមកពីគ្រោះថ្នាក់ (តម្រូវបង់បុព្វលាភបន្ថែម) | សងជូនវិញលើថ្លៃសម្រាកព្យាបាលនៅមន្ទីរពេទ្យ ការវះកាត់ និងថ្លៃសេវាវេជ្ជបណ្ឌិត ដែលកើតឡើងក្នុងអំឡុងពេល ៣៦៥ ថ្ងៃ គិតចាប់ពីថ្ងៃកើតគ្រោះថ្នាក់ | រហូតដល់កម្រិតអតិបរមាចែងក្នុងវិញ្ញាបនបត្រ | គ្មានកម្រិតមិនធ្វើសំណង |
| ការចំណាយលើការស្តារនីតិសម្បទា | សំណងលើថ្លៃព្យាបាលដោយចលនាស្តារសម្បទាចាំបាច់ កើតឡើងក្នុងអំឡុងពេល ៣៦៥ ថ្ងៃ គិតចាប់ពីថ្ងៃកើតគ្រោះថ្នាក់ ដើម្បីស្តារសមត្ថភាពរស់នៅប្រចាំថ្ងៃ | តាមដែនកំណត់ក្នុងវិញ្ញាបនបត្រ (អតិបរមា ៣០ ដង ក្នុងមួយរយៈពេលធានារ៉ាប់រង) | គ្មានកម្រិតមិនធ្វើសំណង |
| ការចំណាយលើការកែប្រែជំនួយដល់ការរស់នៅ | សំណងលើការកែសម្រួលគេហដ្ឋាន ឬយានយន្ត ឬការទិញរទេះរុញ ជើង/ដៃសិប្បនិម្មិត និងឈើច្រត់ បន្ទាប់ពីមានពិការភាពទាំងស្រុងជាអចិន្ត្រៃយ៍ | តាមចំនួនទឹកប្រាក់អត្ថប្រយោជន៍អតិបរមា ចែងក្នុងវិញ្ញាបនបត្រ | គ្មានកម្រិតមិនធ្វើសំណង |
| ការកែសម្រួលផ្ទះ និងរថយន្ត | គ្របដណ្តប់ថ្លៃកែសម្រួលផ្ទះ ឬយានយន្តរបស់អ្នក (ឬទិញរទេះរុញ) ដើម្បីជួយការធ្វើដំណើររបស់អ្នកបន្ទាប់ពីពិការភាពធ្ងន់ធ្ងរ។ | ចំនួនទឹកប្រាក់អត្ថប្រយោជន៍អតិបរមាក្នុងវិញ្ញាបនបត្រ | គ្មានកម្រិតមិនធ្វើសំណង |
| ប្រាក់ឧបត្ថម្ភបុណ្យសព | ទូទាត់ជូនជាទឹកប្រាក់ប្រសិនបើការរងរបួសដោយសារគ្រោះថ្នាក់ បណ្តាលឱ្យបាត់បង់ជីវិតក្នុងរយៈពេល ៣៦៥ ថ្ងៃ | ចំនួនទឹកប្រាក់អត្ថប្រយោជន៍ជាប្រាក់ដុំ ចែងក្នុងវិញ្ញាបនបត្រ | គ្មានកម្រិតមិនធ្វើសំណង |
| ប្រាក់ឧបត្ថម្ភប្រចាំថ្ងៃសម្រាប់ការសម្រាកព្យាបាលក្នុងមន្ទីរពេទ្យ | ទូទាត់ជូនជាប្រាក់ឧបត្ថម្ភកំណត់ថេរប្រចាំថ្ងៃ សម្រាប់ការសម្រាកព្យាបាលក្នុងមន្ទីរពេទ្យពេញ ២៤ ម៉ោង ដោយសារគ្រោះថ្នាក់ ឬជំងឺ | ប្រាក់ឧបត្ថម្ភថេរប្រចាំថ្ងៃ (អតិបរមា ០៧ ថ្ងៃ ក្នុងមួយព្រឹត្តិការណ៍) | គ្មានកម្រិតមិនធ្វើសំណង |
| ប្រាក់ឧបត្ថម្ភការសិក្សារបស់បុត្រាបុត្រី | ទូទាត់សាច់ប្រាក់បន្ថែមជាប្រាក់ដុំ ដើម្បីគាំទ្រដល់ការសិក្សារបស់កូន ប្រសិនបើអ្នកត្រូវបានធានារ៉ាប់រងបាត់បង់ជីវិតដោយសារគ្រោះថ្នាក់ដែលបានធានា | តាមដែនកំណត់ក្នុងវិញ្ញាបនបត្រ (អតិបរមាបុត្រ ០២ នាក់) | គ្មានកម្រិតមិនធ្វើសំណង |
| ប្រាក់ជំនួយបណ្តាលមកពីជំងឺកូវីដ-១៩ | ទូទាត់ជូនជាប្រាក់ដុំ ករណីសម្រាកព្យាបាលក្នុងមន្ទីរពេទ្យ ឬបាត់បង់ជីវិតដោយសារជំងឺកូវីដ-១៩ (មានរយៈពេលរង់ចាំ ៣០ ថ្ងៃ) | តាមចំនួនទឹកប្រាក់អត្ថប្រយោជន៍ដែលបានកំណត់ (អតិបរមា ១ ដង ក្នុងមួយរយៈពេលធានារ៉ាប់រង) | គ្មានកម្រិតមិនធ្វើសំណង |
| ចោរកម្ម | សងជូនវិញលើការបាត់បង់ទ្រព្យសម្បត្តិផ្ទាល់ខ្លួន ថ្លៃធ្វើឯកសារឡើងវិញ (អត្តសញ្ញាណប័ណ្ណ/លិខិតឆ្លងដែន/កាត) និងសាច់ប្រាក់ដែលត្រូវចោរឆក់ (មិនធានាករណីកើតឡើងក្នុងផ្ទះឡើយ និងត្រូវមានកំណត់ហេតុប៉ូលីសក្នុងរយ:ពេល ២៤ ម៉ោង) | តាមដែនកំណត់ក្នុងវិញ្ញាបនបត្រ (សាច់ប្រាក់កំណត់ត្រឹមអតិបរមា ១២៥ ដុល្លារអាមេរិក) | គ្មានកម្រិតមិនធ្វើសំណង |
