ការការពារលំហូរសាច់ប្រាក់របស់អាជីវកម្មយ៉ាងទូលំទូលាយ
គ្រោះមហន្តរាយអាចប៉ះពាល់ទាំងទ្រព្យសម្បត្តិ និងលំហូរសាច់ប្រាក់របស់អាជីវកម្ម។ អង្គរ ជេនេរ៉ល អុិនសួរេន ផ្តល់ការការពារជាពីរស្រទាប់ ដើម្បីគាំទ្រ ការបន្តអាជីវកម្មរបស់អ្នកដោយភាពជឿជាក់។
ធានារ៉ាប់រងលើទ្រព្យសម្បត្តិ
ពីគ្រប់ហានិភ័យ
ហេតុអ្វីអាជីវកម្មរបស់អ្នកត្រូវការ
ធានារ៉ាប់រងលើទ្រព្យសម្បត្តិពីគ្រប់ហានិភ័យ?
ការពារហិរញ្ញវត្ថុដែលមានកម្រិតធានាខ្ពស់
យើងយល់ថា ក្នុងអំឡុងពេលបន្ទាន់ក្រោយពេលកើតហេតុ អាជីវកម្មត្រូវការសាច់ប្រាក់សម្រាប់ដោះស្រាយចំណាយភ្លាមៗ។ ការធានារបស់យើងរួមបញ្ចូល កម្រិតធានាបន្ថែមជាស្រេច ដើម្បីជួយការពារដើមទុនប្រតិបត្តិការរបស់អ្នក ដោយមិនចាំបាច់ទិញការធានាបន្ថែមដែលមានតម្លៃខ្ពស់។
ស្តង់ដារអនុលោមតាមបទប្បញ្ញត្តិយ៉ាងម៉ឺងម៉ាត់
នៅ អង្គរ ជេនេរ៉ល អុិនសួរេន យើងប្រកាន់ខ្ជាប់នូវ ស្តង់ដារអនុលោមតាមបទប្បញ្ញត្តិ ដើម្បីធានាថាប្រតិបត្តិការរបស់យើងមានភាពត្រឹមត្រូវ តម្លាភាព និងស្របតាមតម្រូវការច្បាប់ជាធរមាន។
តើអ្នកណាខ្លះគួរមាន
ធានារ៉ាប់រងលើទ្រព្យសម្បត្តិពីគ្រប់ហានិភ័យ?
- ម្ចាស់អគារពាណិជ្ជកម្ម និងម្ចាស់អចលនទ្រព្យដែលជួល
- រោងចក្រ អ្នកគ្រប់គ្រងការផលិត និងសហគ្រាសឧស្សាហកម្ម
- អាជីវកម្មលក់រាយ លក់ដុំ និងអាជីវកម្មពាណិជ្ជកម្ម
- អាជីវកម្មដែលប្រតិបត្តិការនៅក្នុងទីតាំងជួល (អ្នកជួល)
- អ្នកទទួលទំនិញ និងអាជីវកម្មដែលរក្សាទុក ឬកាន់កាប់ទ្រព្យសម្បត្តិរបស់ភាគីទីបី
- សហគ្រាសគ្រប់ប្រភេទដែលត្រូវការការការពារ ដើម្បីធានាការបន្តប្រតិបត្តិការអាជីវកម្ម
ស្វែងយល់អំពី ការធានា និងអត្ថប្រយោជន៍ របស់អ្នក
| ប្រភេទការធានា | អ្វីដែលត្រូវបានធានា | ទឹកប្រាក់ធានារ៉ាប់រង | កម្រិតមិនធ្វើសំណង |
|---|---|---|---|
| ការខូចខាតទ្រព្យសម្បត្តិ | ការបាត់បង់ ការបំផ្លិចបំផ្លាញ ឬការខូចខាតដោយចៃដន្យចំពោះទ្រព្យសម្បត្តិដែលបានធានា និងស្ថិតនៅក្នុងទីតាំងដែលបានកំណត់ក្នុងតារាងសង្ខេប រួមមានអគារ សម្ភារៈ សន្និធិ និងទំនិញ ព្រមទាំងគ្រឿងបរិក្ខារ គ្រឿងចក្រ និងម៉ាស៊ីន ប្រសិនបើបានបញ្ជាក់ថាជាទ្រព្យសម្បត្តិដែលបានធានា។ | រហូតដល់ទឹកប្រាក់ធានារ៉ាប់រង ដែលបានកំណត់សម្រាប់កម្មវត្ថុនីមួយៗក្នុងតារាងសង្ខេប | តាមតារាងសង្ខេបនៃបណ្ណសន្យារ៉ាប់រង |
| ការខាតបង់ពីការរំខានធុរកិច្ច | ផ្តល់សំណងចំពោះការខាតបង់ដែលកើតឡើងក្នុងអំឡុងពេលអាជីវកម្មត្រូវបានរំខាន ដោយអនុវត្តតាមលក្ខខណ្ឌ និងវិសាលភាពនៃការធានាដែលបានបញ្ជាក់ក្នុងបណ្ណសន្យារ៉ាប់រង។ | តាមទឹកប្រាក់ធានាដែលបានកំណត់ និងអនុវត្តតាមរយៈពេលអតិបរមានៃការខាតបង់ពីការរំខានធុរកិច្ចដែលបានជ្រើសរើស | តាមតារាងសង្ខេបនៃបណ្ណសន្យារ៉ាប់រង |
| ចំណាយលើការពន្លត់អគ្គិភ័យ និងឧបករណ៍ពន្លត់អគ្គិភ័យ | ប្រាក់ឈ្នួលនិយោជិកសម្រាប់ការពន្លត់អគ្គិភ័យ ការបំពេញបន្ថែមឧបករណ៍ពន្លត់អគ្គិភ័យ និងចំណាយលើកងពន្លត់អគ្គិភ័យក្នុងករណីមានអគ្គិភ័យនៅទីតាំងទ្រព្យសម្បត្តិដែលបានធានា ឬទីតាំងជាប់ពាក់ព័ន្ធ។ | រហូតដល់ USD 5,000 ក្នុងមួយព្រឹត្តិការណ៍ សម្រាប់ចំណាយទាំង 3 ប្រភេទរួមគ្នា | តាមតារាងសង្ខេបនៃបណ្ណសន្យារ៉ាប់រង |
| ចោរកម្មតាមរយៈការចូលទីតាំងដោយហិង្សា និងប្រើកម្លាំង | ការបាត់បង់ ឬខូចខាតដោយសារការលួចតាមរយៈការចូល ឬចេញពីទីតាំងដោយហិង្សា និងប្រើកម្លាំង ឬការប្លន់ប្រដាប់អាវុធ/ការគំរាមកំហែងដោយហិង្សាចំពោះអ្នកយាម។ | រហូតដល់ 5% នៃទឹកប្រាក់ធានាលើការខូចខាតទ្រព្យសម្បត្តិ ឬ USD 20,000 | USD 1,000 ក្នុងមួយសំណង |
| ការខូចខាតលើម៉ាស៊ីនចំហាយទឹក និងម៉ាស៊ីន | ការបាត់បង់ ឬការខូចខាតភ្លាមៗ និងមិនបានរំពឹងទុកលើម៉ាស៊ីនចំហាយទឹក និងម៉ាស៊ីនដែលបានធានា ដោយសារកំហុសក្នុងការផលិត ឬដំឡើង កំហុសរចនា ការខ្វះទឹកក្នុងឡចំហាយ ការផ្ទុះ ការឆ្លងចរន្តអគ្គិសនី និងមូលហេតុផ្សេងៗដែលស្ថិតក្នុងវិសាលភាពនៃការធានា។ | រហូតដល់ 5% នៃទឹកប្រាក់ធានាលើការខូចខាតទ្រព្យសម្បត្តិ ឬ USD 50,000 | USD 1,000 ក្នុងមួយសំណង |
| ការធានាលើរូបិយប័ណ្ណដែលស្ថិតនៅក្នុងបរិវេណធានា | ការបាត់បង់ សាច់ប្រាក់ ក្រដាសប្រាក់ មូលប្បទានបត្រ មូលបត្រអាចប្តូរជាទឹកប្រាក់ និងឧបករណ៍សម្រាប់ធ្វើប្រតិបត្តិការដែលអាចចរចាបាន ដែលស្ថិតនៅក្នុងអគារដែលបានធានា ក្នុងម៉ោងធ្វើការ និង/ឬរក្សាទុកក្នុងទូសុវត្ថិភាព ឬទូដែកក្រោយម៉ោងធ្វើការ។ | រហូតដល់ 5% នៃទឹកប្រាក់ធានាលើការខូចខាតទ្រព្យសម្បត្តិ ឬ USD 20,000 | USD 1,000 ក្នុងមួយសំណង |
